個案分享

伯伯想再食返野同講野!
我們上門訓練吞嚥同聲帶

有位伯伯患柏金遜症，用鼻胃管餵食好幾年了，但佢好想再食返野同講野，於是我們搵言語治療師上門訓練吞嚥同聲帶。

尋日同ST 上門，原來伯伯因柏金遜症導致聲帶不能閉合，導致silent aspiration當佢吞食時容易落錯格入了氣管 。由於插了幾年鼻喉管，需要重新訓練聲帶都肌肉。

治療師教伯伯用飲管練聲帶，又教佢咳（萬一濁親佢識咳返出來，減少落錯格風險）我有時都不自覺地跟伯伯一齊做

之後就教伯伯吞食，伯伯好有強烈慾望想食到野，所以好努力咁練習，上星期訓練 （食一茶匙加了凝固粉的蜜糖需要分5啖吞，食3茶匙用了近半小時） 到今次可以食到 1茶匙分3啖食晒，食左5茶匙水+1茶匙燈汁。 佢好想再繼續食，但不能食太多因擔心有機會入左肺，肺炎有機會引致死亡，每一啖餵食其實好高風險，食完需要時間觀察是否有異樣。

這一個半鐘學左好多野～～好有趣。

以上純粹個人分享，可能有誤，醫學上要請教醫生，有唔舒服要及早治療～～

年輕人食野就嘔?
為什麼需要我們?

日前收到一個咨詢問是否只是做老人服務，說兒子腸胃唔好，一出街就會嘔，無法外出，食野又會想嘔，所以想醫生上門睇症。

於是就了解下病人點解無法出門，以往病歷。媽媽就說仔仔以前是肥仔， 半年由70多kg 暴跌到40多kg, 睇過西醫腸胃科照過ultrasound, 驗過血都冇問題。 之前有西醫說是IBS (腸易激綜合症），但仔仔食過藥覺得無效，唔信醫生，媽媽就好擔心仔仔會有cancer。

咁我再問佢仔仔情緒最近有冇變化？ 變得好焦慮..

然後媽媽就講出佢嘅故事，仔仔係mix 只講英文，小時候父母離婚，之後媽媽從外國帶回香港住，同年他的爸爸又過身。在香港要讀中文，追不上，被老師打手板，又被同學欺凌，種種因素令佢變得好負面。睇過好多醫生都無效令佢好灰心，單親關係，唔想浪費媽媽d錢，基本上放棄治療長期在家，夜晚肚痛瞓唔到，靠打網絡遊戲跟外國朋友傾計，時間顛倒。

我都好希望幫到佢同佢家人，腸痛因焦慮而起，環環相扣，要解決焦慮應該搵精神科醫生。 原本是要上門見病人的，但病人講明會反鎖唔見醫生，只好嘗試先做視像診症（正常第一次要上門面診的）。

視像當日 媽媽好不容易氹仔仔見醫生 （說是見腸胃科醫生），如果說是精神科醫生，只會令佢更抗拒。 醫生先是跟媽媽了解病人過往到現在少年的經歷 （都用左1個鐘） 之後再視像見仔仔，由腸胃開始問，再問下生活習慣，唔抗拒就再問下過往經歷。醫生知道情況，再同佢解釋腸胃痛原因，會處方幾隻藥，可以舒緩焦慮，放鬆腸胃，有安眠作用，又會改善胃口，逐樣解決佢目前的問題，仔仔清楚明白之後，都好相信醫生，然後醫生說改善之後需要上門評估，仔仔都答應左。

過2日之後，我再跟進返病人情況，仔仔說胃口好左，又唔會嘔，終於食到野。夜晚6:30 就食藥 等8:30瞓覺到天光，腸又冇痛了⋯⋯

媽媽都開心可以搵到我們 ‘老友宅醫’ 嘅服務，送左幾個比我LIKE! 

誤，醫學上要請教醫生，有唔舒服要及早治療～～

冒雨過來只為了說聲多謝

有一天，外面下着綿綿細雨，姑娘突然收到一個已完結差不多大半年的個案家屬聯繫我們，不知是否有事需要幫忙。

家屬上到辦公室，從手袋裏小心翼翼掏出一包朱古力，邊用手擦乾包裝紙上的雨水，邊說：「姑娘，這是我給你和醫生的。不好意思，朱古力都弄濕了。」然後眼紅紅的望着姑娘，嗚咽道：「我用了好長時間才能放低心情，跟你們道謝……」

看着她眼泛淚光，我回想起這個案：當時家人說婆婆跌倒腳腫，因為以往有不好的住院體驗，所以10多年來沒看過亦非常抗拒醫生。家人讓醫生以朋友身份上門見病人，好讓婆婆較易接受。

上門當日，家人在電梯門口提起婆婆的經歷，都忍不住流下淚水，我們聽着聽着都眼濕濕。入到屋內，我們說是家屬朋友來探望婆婆，婆婆亦開始接受我們。醫生見到婆婆的腳非常腫，問婆婆有沒有不舒服等等，待婆婆沒有戒心後，醫生拎起聽筒聽肺，發現婆婆原來是肺炎，便開了藥給她，之後每個月都會定期視像複診或上門跟進，就這樣跟了2年多。後期婆婆腳趾有潰爛同水腫跡象，醫生便建議入院處理。入院後，醫生都有跟進婆婆情況，但婆婆還是被人綁着，最終留院1-2個月就過身了。

想不到隔了這樣久，家屬還記得我們，冒雨過來只為了說聲多謝，不過姑娘和醫生直到現在也沒有忘記過你呢～陳婆婆

中風後都能享受有品質的生活

93歲的張伯伯中風後，右半身不能活動，行路無力，同時評估不能吞嚥，容易濁親和發生吸入性肺炎，需要插鼻胃喉。

不過家人希望伯伯可以移除鼻胃喉，復原到中風前行得食得的狀態，但伯伯始終年記大，我們事前都跟家屬說不要抱太大期望。

張伯伯精神不錯，頭腦清晰，滿心期待可以飲水，但試一小啖已經濁親，咳了近15分鐘才回氣。 言語治療師都安慰伯伯不要心急，只要多練習聲帶和嘗試咳嗽，便能拔掉鼻胃喉恢復飲食。我們亦教家人每日與伯伯做聲帶訓練，餵一、兩匙水試試。

在物理治療師評估時，發現伯伯左手完全無力，於是治療師教伯伯每日練習大腿，腰部同手的力量，喚醒大腦記憶。 伯伯努力接受訓練，雖然每次做2-3組動作已開始沒力氣，但仍堅持下去，希望可以早日恢復走路能力。

這段期間治療師一星期兩次上門幫伯伯進行訓練，加上家人每天配合幫伯伯練習，大約3個月左右，伯伯已經成功移除鼻喉，還可以慢慢走路。

很多人認為插了鼻胃喉是幫助病人吞食以延長生命，但在不知不覺間，同時亦剝削了病人自主能力及尊嚴。其實只要進行合適的訓練，雖不能根治，但已經可以延長病人衰退時間，令他們在晚年都能享受有品質的生活。